आरजु राणा प्रधानमन्त्री बन्न सक्ने सम्भावना छ : विश्वकर्मा

0
SHARES
35
VIEWS

नेपाली कांग्रेसका प्रभावशाली नेता तथा पूर्वमन्त्री मीनबहादुर विश्वकर्माले प्रधानमन्त्री शेरबहादुर देउवाकी पत्नी एवम् कांग्रेस नेतृ आरजु राणा प्रधानमन्त्री बन्न नसक्ने नेता भएको बताएका छन् ।

माओवादी केन्द्रका अध्यक्ष पुष्पकमल दाहाल ‘प्रचण्ड’ र नेतृ आरजु राणाले नयाँदिल्ली पुगेर प्रधानमन्त्री पदको सौदाबाजी गर्ने सहमति गरेको चर्चा चलिरहेका बेला नेता विश्वकर्माले आरजु राणा प्रधानमन्त्री बन्न योग्य रहेको टिप्पणी गरेका हुन् ।

उनले नेपाली राजनीतिमा प्रचण्ड र आरजु दुवै भोलिका दिनमा प्रधानमन्त्री बन्न सक्ने व्यक्तित्व भएको उल्लेख गर्दै भने, ‘प्रचण्ड र आरजु दुवै जना कहिल्यै प्रधानमन्त्री बन्न नसक्ने व्यक्ति त होइनन्, तर अहिले यस्तो सहमति भएको छैन् । यो सबै अफवाह हो । कुन दलको प्रतिनिधिसभामा सिट संख्या कति आउँछ, त्यसको मतभारको आधारमा सरकारको नेतृत्वको साझेदारीको कुरा आउँछ ।’

सरकारको नेतृत्वको सवालमा दलहरुबीच अर्को चरणमा छलफल हुने बताउँदै नेता विश्वकर्माले भने, ‘अहिले प्रचण्ड र आरजुबीच सरकारको नेतृत्व गर्ने भन्नेबारे सहमति भयो भन्ने कुरा आयो, यो झुठो हो ।’ स्वास्थ्योपचारका लागि आरजु दिल्लीमा भएकै बेला प्रचण्ड भारत भ्रमणमा गएको र सोही क्रममा आरजुको स्वास्थ्यलाभको कामना गर्न प्रचण्डले भेटवार्ता गरेको उनको दाबी छ ।

‘डा. आरजु उदयीमान नेता हो । प्रधानमन्त्री बन्न नसक्ने भन्ने कुरा हुन्छ र ? तर, अहिले यो विषयमा छलफल र चर्चा नै चलेको थिएन । र, छैन,’ उनले भने dainiknepal

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित