संगीतकार फत्तेमान सम्झिदै साहित्य चौतारी …यस्तो छ तयारी

0
SHARES
6
VIEWS

साहित्य चौतारीले भदौ २९ को मासिक साङ्गीतिक काव्यसभा वरिष्ठ गायक तथा संगीतकार फत्तेमान राजभण्डारीमा समर्पित गर्ने भएको छ ।

गायन प्रतिभाका धनी फत्तेमानको नवौँ स्मृति दिवसलाई साहित्य चौतारीले उच्च महत्व दिँदै मासिक काव्यसभा उनैमा समर्पित गर्ने निर्णय गरेको हो ।

साहित्य चौतारीका संरक्षक देवीभक्त श्रेष्ठका अनुसार फत्तेमान २०६२ मा आयोजित साहित्य चौतारीको छैटौँ वार्षिकोत्सव समारोहका प्रमुख अतिथि थिए ।

‘मासिक सांगीतिक काव्यसभामा फत्तेमानका सिर्जना प्रस्तुत हुनेछन्’, संरक्षक श्रेष्ठले भने, ‘साहित्य चौतारीलाई उहाँले लगाएको गुन बिर्सि नसक्नुको छ ।’

कार्यक्रममा नृत्य निर्देशक बालकुमार कटुवालको विशेष प्रस्तुति रहनेछ । अभिनय र कलामा उत्तिकै सक्रिय कटुवाललाई साहित्य चौतारीले २०६३ सालमा कलाकारिता पुरस्कार प्रदान गरेको थियो ।

साहित्य चौतारीले उत्कृष्ट बाल प्रतिभा रियाज रिजालको प्रमुख आतिथ्यमा कार्यक्रम गर्न लागेको हो। कार्यक्रममा वरिष्ठ गायक तथा संगीतकार जीवन अधिकारीको विशेष आतिथ्य रहनेछ ।

बालप्रतिभा बीच प्रतिस्पर्धा हुँदै

बाल दिवसको अवसरमा साहित्य चौतारीले उत्कृष्ट बाल प्रतिभालाई पुरस्कृत गर्दैछ । साहित्य, संगीत र कलाका तीनवटा विधामा पाँच÷पाँच जनाका दरले छानिएका बालप्रतिभा बीच भदौ २९ गते प्रतिस्पर्धा हुन लागेको हो ।

छनोट भएका बाल प्रतिभाबीच प्रतिस्पर्धा हुने र उत्कृष्टलाई नगद र सम्मानपत्रसहित पुरस्कृत गरिने साहित्य चौतारीका संरक्षक देवीभक्त श्रेष्ठले बताए ।

‘सिर्जनामा बालप्रतिभालाई प्रोत्साहित गर्दै लैजाने नीति अनुसार साहित्य चौतारीले उनीहरुबीच प्रतिस्पर्धा गराउन लागेको हो’, संरक्षक श्रेष्ठले भने ।

साहित्य चौतारीले हरेक सांगीतिक काव्यसभामा उत्कृष्ट भएका बाल प्रतिभालाई पुरस्कृत गर्दै आएको छ । गत महिनाको सांगीतिक काव्यसभामार्फत कवितातर्फ गृष्मादेश प्रसाईं, अनुकुल निरौला, प्रजिता ढकाल र रिया राजवंशी छानिएका थिए ।

गायनतर्फ १५ जना सहभागीमध्ये एञ्जेल गहतराज, अर्पण निरौला, आयुष्मा घिमिरे, दीया अधिकारी, बृन्दा दाहाल छानिएको मासिक काव्यसभा संयोजक सुनिता तामाङले बताइन् ।

नृत्यतर्फ इतिशा मुखिया, श्रेया पौडेल, पृषा राई, रिया राजवंशी र कोभिडमणि ओली चयन भएका थिए । उनीहरु बीच फेरि प्रतिस्पर्धा गराइनेछ

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित