झापा ३ मा सिटौलासँगै लिङदेन आमने सामने हुदै ,एमालेबाट दुर्गा प्रसाइको समेत सम्भावना

0
SHARES
22
VIEWS

झापा  झापा क्षेत्र नम्बर ३ बाट प्रतिनिधिसभा सदस्य प्रत्यक्षतर्फ नेपाली कांग्रेसका नेता कृष्णप्रसाद सिटौलाको नाम सर्वसम्मत सिफारिस भएको छ।

नेपाली कांग्रेस भद्रपुर नगर समितिको कार्यालयमा शुक्रबार बसेको ३ नम्बर क्षेत्रीय समितिको बैठकले प्रतिनिधिसभा सदस्य प्रत्यक्षतर्फ नेता सिटौलाको नाम सर्वसम्मत सिफारिस गरिएको क्षेत्रीय सभापति गणेश पोखरेलले जानकारी दिए।

त्यस्तै बैठकले प्रतिनिधिसभा समानुपातिकतर्फ भारतेन्दुकुमार मल्लिक, सुशीला ढकाल, राजेन्द्र घिमिरे र डम्बरसिंह सिंगुको नाम सिफारिस गरिएको उनले बताए।

त्यस्तै प्रदेश सभा सदस्य ९क० बाट भूमिप्रसाद राजवंशी र प्रदेश ९ख० बाट नवीन बिमली, भगीरथ पोद्दार र भरत प्रसाईँको नाम प्रत्यक्षतर्फ सिफारिस गरिएको छ।

नेता सिटौला ७औं पटक यस क्षेत्रबाट उठ्न लागेका छन्। २०४८ सालको संसदीय निर्वाचनमा एमालेका द्रोणप्रसाद आचार्यसँग सिटौला पराजित भएका थिए।

२०५१ सालको संसदीय निर्वाचनमा एमालेका पुष्पराज पोखरेलसँग सिटौला दोस्रो पटक पराजित भए। २०५६ सालको संसदीय निर्वाचनमा एमालेका नारायण राजवंशीलाई पराजित गर्दै सिटौला पहिलो पटक यस क्षेत्रबाट निर्वाचित भई संसदमा पुगेका थिए।

२०६४ सालको पहिलो संविधानसभा निर्वाचनमा माओवादीका पूर्णसिंह राजवंशीसँग सिटौला फेरि पराजित भए ।
२०७० सालको दोस्रो संविधानसभा निर्वाचनमा राप्रपाका राजेन्द्रप्रसाद लिङदेनलाई पराजित गर्दै सिटौला फेरि निर्वाचित भएका थिए।

२०७४ सालको पहिलो प्रतिनिधिसभा सदस्य निर्वाचनमा सिटौलालाई पराजित गर्दै राप्रपाका लिङदेन पहिलो पटक निर्वाचित भएका थिए।

२०७९ सालको दोस्रो प्रतिनिधिसभा सदस्य निर्वाचनमा सिटौलासँगै यस क्षेत्रबाट पुनः राप्रपाका अध्यक्ष लिङदेन उठ्ने लगभग पक्कापक्की भइसकेको छ।अन्नपुर्णपोष्टबाट

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित