भद्रपुर भन्सार लक्ष्यमा पुग्नै सकेन ,लक्ष्य ४२ करोड… उठयो २४ करोड मात्रै

0
SHARES
14
VIEWS

भद्रपुर भन्सार कार्यालय लक्ष्यमा पुग्न असफल भएको छ ।कार्यलयलेआर्थिक वर्ष २०७८र७९ मा लक्ष्य अनुसारको राजश्व संकलन गर्न असफल भएको हो ।

मूल भन्सारका रूपमा स्तरीकृत भएयता लगातार कोरोना महामारीको प्रभाव खेपिरहेको कार्यालयले यसवर्ष पनि लक्ष्यको तुलनामा ५६ दशमलव ६७ प्रतिशतमात्र राजस्व असुली गर्न सकेको हो ।

सूचना अधिकारी प्रभुनारायण मेहताले एक वर्षको अवधिमा भन्सारले ४२ करोड ५८ लाख ३३ हजार रुपैयाँ राजस्व सङ्कलन गर्ने लक्ष्य लिएकोमा २४ करोड १३ लाख ३६ हजार ६०४ रुपैयाँमात्र असुली गरेको जानकारी दिए ।

कार्यालयले भन्सार महसुलवापत दुई करोड ७५ लाख ८८ हजार, मूल्य अभिवृद्धि करवापत १२ करोड १२ लाख १२ हजार, अन्तः शुल्कमार्फत ८५ लाख ७० हजार, कृषि सुधार शुल्कवापत एक करोड ३२ लाख ४८ हजार, भन्सारसम्बन्धी अन्य आय ७७ लाख १० हजार, स्वास्थ्य जोखिम करवापत पाँच हजार राजस्व असुली भएको उनको भनाई छ ।

भद्रपुर नाकाबाट सबैभन्दा बढी कपडा, सुर्तीजन्य पदार्थ, माछा र जुत्तालगायतका सामग्री आयात भएको कार्यालयको तथ्याङ्कले देखाउँछ । सो नाका हुँदै एक वर्षको अवधिमा भारतलगायत तेस्रो मुलुकमा कुनै पनि प्रकारका सामान निर्यात भएको देखिँदैन ।

गत आर्थिक वर्ष २०७७र७८ मा समेत सो भन्सारले लक्ष्यको ९० प्रतिशत मात्र राजस्व असुली गरेको थियो । विसं २०७५ साउनबाट छोटी भन्सारबाट मूल भन्सार कार्यालयका रुपमा सञ्चालनमा आएको यस भन्सारको मातहतमा पाँचवटा छोटी भन्सार कार्यालय रहेका छन् । त्यसमा पाठामारी, पन्थापाडा, घेराबारी, केचना र झापा कमुरखोद छोटी भन्सार रहेका छन् ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित